അഫ്ഗാന്‍ തലസ്ഥാനമായ കാബൂളില്‍താലിബാന് നേരെ നടന്ന ആക്രമണത്തിന്റെ ഉത്തരവാദിത്വം ഐഎസ് ഏറ്റെടുത്തു. ആക്രമണത്തില്‍ 20 പേര്‍ കൊല്ലപ്പെടുകയും 30 പേര്‍ക്ക് പരിക്കേല്‍ക്കുകയും ചെയ്തിരുന്നു. കാബൂളിലെ സെെനിക വിമാനത്താവളത്തിന് സമീപമാണ് ആക്രമണമുണ്ടായത്.
എന്നാല്‍ ഐഎസിന്റെ അവകാശവാദം താലിബാന്‍ നിരസിച്ചു. സൈനികവിമാനത്താവളത്തിന് സമീപമുണ്ടായ സ്ഫോടനത്തില്‍ നിരവധിപ്പേര്‍ക്ക് പരിക്കേറ്റു. മരണസംഖ്യ ഔദ്യോഗികമായി പുറത്തുവിടുമെന്നും താലിബാന്‍ ആഭ്യന്തരമന്ത്രാലയം വ്യക്തമാക്കി. എന്നാല്‍ ഐഎസിന് സംഭവവുമായി ബന്ധമില്ലെന്നും അവര്‍ പറഞ്ഞു. കാബൂളിലെ ചൈനീസ് ഹോട്ടലില്‍ നടന്ന ആക്രമണം മുതല്‍ പാക് എംബസിയിലുണ്ടായ ആക്രമണം വരെ നിരവധി ഉന്നത ആക്രമണങ്ങളുടെ ഉത്തരവാദിത്തം ഐഎസ് ഏറ്റെടുത്തിട്ടുണ്ട്.
English Summary;IS claimed responsibility for the Kabul attack
You may also like this video
