ഹിസ്ബുല്ല മേധാവി ഹസന്‍ നസ്‌റള്ള കൊല്ലപ്പെട്ടുവെന്ന് ഇസ്രയേല്‍. തെക്കന്‍ ബെയ്‌റൂട്ടിലെ ദഹിയയില്‍ ഇസ്രയേല്‍ കഴിഞ്ഞ ദിവസം മിസൈല്‍ ആക്രമണം നടത്തിയിരുന്നു. ഈ മിസൈല്‍ ആക്രമണത്തിലാണ് ഹസൻ നസ്‌റള്ള കൊല്ലപ്പെട്ടത്. വൻസ്ഫോടനങ്ങളോടെ 4 കെട്ടിടസമുച്ചയങ്ങൾ അക്രമത്തിൽ തകർന്നടിഞ്ഞു. ഹിസ്ബുള്ളയുടെ സെൻട്രൽ കമാൻഡ് ആസ്ഥാനം ലക്ഷ്യമിട്ടായിരുന്നു ആക്രമണമെന്ന് ഇസ്രയേൽ സൈന്യം വ്യക്തമാക്കി.വര്‍ഷങ്ങളായി ഇസ്രയേലിന്റെ നോട്ടപ്പുള്ളിയാണ് ഇയാൾ. ലബനന്‍ കേന്ദ്രമാക്കി ഇസ്രയേലിനെതിരെ വര്‍ഷങ്ങളായി നടക്കുന്ന ആക്രമണങ്ങൾക്ക് നേതൃത്വം നൽകിയത് ഹസൻ നസ്റള്ളയായിരുന്നു. ഇനി ഹസന്‍ ഭീകരവാദം പ്രോത്സാഹിപ്പിക്കാന്‍ ഉണ്ടാകില്ലെന്ന് ഇസ്രയേൽ അറിയിച്ചു. ഫലത്തില്‍ ഹിസ്ബുള്ള നേതാവിന്റെ കൊല സ്ഥിരീകരിക്കുകയാണ് ഇസ്രായേല്‍. എന്നാൽ ഹിസ്ബുള്ള മരണം സ്ഥിരീകരിച്ചിട്ടില്ല.
ഹിസ്ബുള്ള മേധാവി ഹസന്‍നസ്‌റള്ള കൊല്ലപ്പെട്ടുവെന്ന് ഇസ്രയേല്‍
