രാഹുൽ മാങ്കൂട്ടത്തിൽ എംഎൽഎ കോഴിയാണെന്ന് പണ്ടേ അറിയാമെന്നും ഹേമ കമ്മിഷന് പോലൊരു കമ്മിഷന് കോൺഗ്രസിനകത്ത് വേണമെന്നും കെപിസിസി സംസ്കാര സാഹിതി ജനറല് സെക്രട്ടറി എം എ ഷഹനാസ്. ഓരോ സ്ത്രീയേയും എങ്ങിനെ മാനിപുലേറ്റ് ചെയ്യണമെന്ന് ഇയാള്ക്കറിയാം. രാഹുലിനെ ആദ്യമേ മനസിലാക്കിയതുകൊണ്ട് നിര്ത്തേണ്ടിടത്ത് നിര്ത്തിയെന്നും ഷഹനാസ് പറഞ്ഞു. വീട്ടിൽ പോയി രാഹുലിനെ ചോദ്യം ചെയ്യാനുള്ള കപ്പാസിറ്റി ഉള്ളയാളാണ് താൻ.
പലതരത്തിൽ താൻ സമൂഹത്തിൽ സജീവമായിരിക്കുന്നയാളാണ്. എല്ലാ കോഴികൾക്കുമെതിരെ സ്ത്രീകൾക്ക് പരാതിയുമായി നീങ്ങാൻ കഴിയില്ല. രാഹുലിന്റെ ഒപ്പം ഒരു സെൽഫി പോലും തന്റെ കയ്യിൽ ഇല്ല എന്നും ഷഹനാസ് പറഞ്ഞു. ചാനല് അഭിമുഖത്തില് പറഞ്ഞ കാര്യങ്ങള് രാഹുല് വിശ്വസ്തനെന്ന് കരുതി സംസാരിച്ച പല ആളുകളും എന്നോട് തന്നെ പറഞ്ഞു. അതിനുള്ള മറുപടി, രാഹുലിന് മെസേജ് അയച്ച് നല്കിയിട്ടുമുണ്ട്. ഈ മെസേജ് എല്ലാം കണ്ടിട്ടുണ്ടെങ്കിലും രാഹുല് മറുപടി ഒന്നും നല്കിയിട്ടില്ലെന്നും അവർ പറഞ്ഞു.