ഏററുമാനൂരില് ട്രെയിനിനുള്ളില് യുവാവിന് പാമ്പ് കടിയേറ്റെന്ന് സംശയം. ഗുരുവായൂര്-മധുര എക്സ്പ്രസിലെ യാത്രക്കാരനാണ് പാമ്പ് കടിയേറ്റതായി പറയുന്നത്. ഏറ്റുമാനൂരില് വെച്ചാണ് ഗുരുവായൂര്— മധുര എക്സപ്രസിലെ ഏഴാം നമ്പര് ബോഗിയിലെ ഒരു യാത്രക്കാരന് പാമ്പ് കടിയേറ്റതായി സംശയം തോന്നിയത്.
മധുര സ്വദേശി കാര്ത്തിക്കിനാണ് പാമ്പ് കടിയേറ്റത്.ഇയാളെ കോട്ടയം മെഡിക്കൽ കോളേജിൽ പ്രവേശിപ്പിച്ചു. പാമ്പാണോ എലിയാണോ കടിച്ചതെന്ന് സ്ഥിരീകരിക്കാനായിട്ടില്ല. പിന്നാലെ ഏഴാം നമ്പർ ബോഗിയിലെ യാത്രക്കാരെ ഒഴിപ്പിച്ച് ട്രയിൻ യാത്ര തുടർന്നു. ബോഗിയിൽ പരിശോധന നടത്തിയെങ്കിലും പാമ്പിനെ കണ്ടെത്താാനായില്ല.
അതേസമയം യാത്രക്കാരനെ കടിച്ചത് പാമ്പ് തന്നെയാണോയെന്ന സംശയത്തിലാണ് റെയിൽവെ പൊലീസ്. ട്രെയിനിൽ വച്ച് എലിയാണോ കടിച്ചതെന്നാണ് പൊലീസ് ഉദ്യോഗസ്ഥര് ഉന്നയിച്ചിരിക്കുന്ന സംശയം.
English Summary:
It is suspected that the youth was bitten by a snake inside the train