നടൻ മോഹൻലാലിനെതിരെയുള്ള ആനക്കൊമ്പ് കേസ് പിൻവലിക്കാനുള്ള സർക്കാർ തീരുമാനത്തിനെതിരായുള്ള ഹര്‍ജി കോടതി തള്ളി. പെരുമ്പാവൂർ ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ് കോടതിയാണ് ഹര്‍ജി തള്ളിയത്. ഏലൂർ സ്വദേശി എ എ പൗലോസും വനംവകുപ്പ് മുൻ ഉദ്യോഗസ്ഥൻ റാന്നി സ്വദേശി ജെയിംസ് മാത്യുവും സമർപ്പിച്ച ഹര്‍ജികളാണ് കോടതി തള്ളിയത്. കേസുമായി മുന്നോട്ട് പോവുന്നതിൽ കാര്യമില്ലെന്ന് ചൂണ്ടിക്കാട്ടിയായിരുന്നു സർക്കാർ കേസ് പിൻവലിക്കാൻ തീരുമാനിച്ചത്. ഇത് ചോദ്യം ചെയ്തായിരുന്നു ഹര്‍ജിക്കാർ കോടതിയെ സമീപിച്ചത്. ആനക്കൊമ്പ് കേസിൽ ഉൾപ്പെട്ടത് പൊതുപണമല്ലെന്നും അതിനാൽ ഹര്‍ജിക്കാരുടെ വാദം പരിഗണിക്കേണ്ട സാഹചര്യമില്ലെന്നുമാണ് സർക്കാർ കോടതിയെ അറിയിച്ചിരുന്നു.
English Summary: Ivory case against Mohanlal: Petitions dismissed
You may also like this video
