പത്ത് വര്‍ഷത്തിന്ശേഷം നടക്കുന്ന ജമ്മുകശ്മീര്‍ നിയമസഭ തെരഞ്ഞെടുപ്പിന്റെ ആദ്യഘട്ട വോട്ടെടുപ്പില്‍ 59 ശതമാനം പോളിങ്. 90 അംഗ സഭയിലെ 24 മണ്ഡലങ്ങളിലായിരുന്നു ഇന്നലെ വോട്ടെടുപ്പ് നടന്നത്. 2014 അനുച്ഛേദം 370 റദ്ദാക്കിയ കേന്ദ്ര സര്‍ക്കാര്‍ തീരുമാനത്തിന് പിന്നാലെയാണ് സംസ്ഥാനത്ത് വോട്ടെടുപ്പ് നടന്നത്.
സമാധാനപരമയാണ് വോട്ടെടുപ്പ് നടന്നതെന്ന് മുഖ്യ തെരഞ്ഞെടുപ്പ് ഓഫിസര്‍ പികെ പോള്‍ അറിയിച്ചു. പോസ്റ്റല്‍ വേട്ടിന്റെയും താഴ് വരയിലെ വോട്ടിങ് കേന്ദ്രങ്ങളില്‍ നിന്നുള്ള വിവരം ലഭ്യമായശേഷം അന്തിമ പോളിങ് ശതമാനം പ്രഖ്യാപിക്കുമെന്നും അദ്ദേഹം പറഞ്ഞു. തീവ്രവാദ ഭീഷണി കണക്കിലെടുത്ത് വന്‍ സുരക്ഷയാണ് ഏര്‍പ്പെടുത്തിയിരുന്നത്.