സർക്കാർ ജീവനക്കാരുടെ തടഞ്ഞുവയ്ക്കപ്പെട്ട ആനുകൂല്യങ്ങൾ ഉടൻ പുനസ്ഥാപിച്ച് നൽകണമെന്ന് ജോയിന്റ് കൗൺസിൽ ചേർത്തല മേഖലാ സമ്മേളനം സർക്കാരിനോടാവശ്യപ്പെട്ടു. സംസ്ഥാന കമ്മറ്റിയംഗം വി എസ് സൂരജ് കൺവൻഷൻ ഉദ്ഘാടനം ചെയ്തു. മേഖലാ പ്രസിഡന്റ് സീമാ ഗോപി ദാസ് അധ്യക്ഷത വഹിച്ചു.
കെ ജി മനോജ് ഷേണായ്, ജില്ലാ സെക്രട്ടറി എം അനിൽകുമാർ, പ്രസിഡന്റ് സി സുരേഷ്, ട്രഷറർ വി ഡി അബു, സംസ്ഥാന കൗൺസിൽ അംഗങ്ങളായ സി പ്രസാദ്, പി സുരേഷ്, വി തങ്കച്ചൻ, കിഷോർ തുടങ്ങിയവര്‍ സംസാരിച്ചു. സർവ്വീസിൽ നിന്നും വിരമിച്ച സംഘടനാ നേതാക്കളായിരുന്ന പുഷ്പദാസ്, എ വി ഷാജി എന്നിവർക്ക് യാത്രയയപ്പ് നൽകി.