ജസ്റ്റിസ് എസ് മണികുമാറിനെ മനുഷ്യാവകാശ കമ്മിഷൻ ചെയർമാനാക്കാനുള്ള സംസ്ഥാന സർക്കാർ ശുപാർശയിൽ ഗവര്‍ണര്‍ ആരിഫ് മുഹമ്മദ്ഖാന്‍ ഒപ്പ് വച്ചു. ശുപാർശയിൽ ഒപ്പിടാതെ ഏഴ് മാസമാണ് ഗവർണർ നിയമനം വൈകിപ്പിച്ചത്. മുഖ്യമന്ത്രിയും നിയമസഭാ സ്പീക്കറും പ്രതിപക്ഷ നേതാവുമടങ്ങുന്നതാണ് മനുഷ്യാവകാശ കമ്മിഷൻ അധ്യക്ഷനെ തിരഞ്ഞെടുക്കുന്ന സമിതി. ജസ്റ്റിസ് മണികുമാറിനെ നിയമിക്കുന്നതിൽ പ്രതിപക്ഷ നേതാവ് വി ഡി സതീശന്റെ വിയോജനക്കുറിപ്പോടെയാണ് ശുപാർശ ഗവർണർക്ക് നൽകിയത്. ഇതിൽ ഒപ്പിടാൻ ഗവർണർ തയ്യാറായിരുന്നില്ല. പകരം ആക്ടിങ് ചെയർമാനായി കെ ബൈജുനാഥാണ് സേവനമനുഷ്ഠിച്ചിരുന്നത്. ഗവർണറുടെ ജനാധിപത്യ വിരുദ്ധ നിലപാടുകൾക്കെതിരെ സർക്കാർ സുപ്രീം കോടതിയെ സമീപിച്ചപ്പോൾ ശുപാർശ അംഗീകരിക്കാത്ത നടപടിയും ചൂണ്ടിക്കാട്ടിയിരുന്നു.
English Summary: Justice S Manikumar, Chairman, Human Rights Commission
You may also like this video
