മറുനാടൻ മലയാളി യൂട്യൂബ്‌ ചാനൽ ഉടമ ഷാജൻ സ്‌കറിയക്കെതിരായ കോൺഗ്രസ് നേതാവ് കെ മുരളീധരൻ എംപി. മുസ്‌ലിം സമുദായത്തെ അടച്ചാക്ഷേപിക്കുന്ന പ്രവണതയാണ് ഷാജന്റേതെന്നും ഏതാണ്ടൊരു സംഘിയുടെ ഭാഗത്തുനിന്നുള്ള സംസാരം പോലെയാണ് തനിക്ക് തോന്നിയതെന്നും അദ്ദേഹം മാധ്യമങ്ങളോട് പറഞ്ഞു.
ഷാജൻ സ്‌കറിയ നടത്തുന്നത്‌ മാധ്യമ പ്രവർത്തനമായി കാണുന്നില്ല. രാഹുൽ ഗാന്ധിയെയും കോൺഗ്രസ് നേതാക്കളെയും വളരെ മോശമായി ചിത്രീകരിച്ച ആളാണ്‌ ഷാജൻ. വ്യക്തികളെ അടച്ചാക്ഷേപിക്കുന്ന രീതി ശരിയല്ല.
പി വി ശ്രീനിജൻ എംഎൽഎയുടെ ജാതിയെ അധിക്ഷേപിച്ചതിനാണ്‌ അദ്ദേഹത്തിനെതിരെ കേസെടുത്തത്‌. കേസിൽ മെറിറ്റ്‌ ഉള്ളതുകൊണ്ടാണ്‌ മുൻകൂർ ജാമ്യം തള്ളിയത്‌. അത്‌ നിയമത്തിന്റെ വഴിക്ക്‌ നടക്കട്ടേയെന്നും മുരളീധരൻ കൂട്ടിച്ചേര്‍ത്തു.
English Summary: k muraleedharan against shajan skariahs
You may also like this video
