വരാനിരിക്കുന്ന നിയമസഭാ തെരഞ്ഞെടുപ്പില് എംപിമാര് മത്സിരിക്കേണ്ടെന്ന് കോണ്ഗ്രസ് നേതാവ് കെ മുരളീധരന്.ഉപതെരഞ്ഞെടുപ്പുകള് നടക്കുന്ന സാഹചര്യം ഒഴിവാക്കണമന്നാണ് മുരളീധരന് അഭിപ്രായപ്പെടുന്നത്.
ഒരു സ്വകാര്യ ചാനലിന് നല്കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത് ഉപതെരഞ്ഞെടുപ്പുകള് ഒഴിവാക്കണമെന്നാണ് ഞാന് പറയുന്നത്. ഞാന് കാരണം കേരളത്തില് രണ്ട് ഉപതെരഞ്ഞെടുപ്പുകള് നടന്നിട്ടുണ്ട്. അതിന്റെ കുറ്റബോധം ഇന്നെനിക്കുണ്ട്. കഴിയുന്നത്ര ബൈ ഇലക്ഷനുകള് ഒഴിവാക്കണം.
സിറ്റിങ് എംഎല്എമാര് മത്സരിക്കണമെന്ന് തന്നെയാണ് ഒരു ധാരണ. സിറ്റിങ് എംഎല്എമാര്ക്കെതിരായ വികാരമുള്ളതായി ഞങ്ങളുടെ ശ്രദ്ധയില്പ്പെട്ടിട്ടില്ല, അദ്ദേഹം കൂട്ടിച്ചേര്ത്തു.എംപിമാര് മത്സരിക്കുന്നതില് വിലക്കില്ല എന്ന് യുഡിഎഫ് കണ്വീനര് അടൂര് പ്രകാശ് അടക്കം വ്യക്തമാക്കുന്ന സാഹചര്യത്തില് കൂടിയാണ് കെ മുരളീധരന് ഇക്കാര്യം പറയുന്നത് എന്നതും ശ്രദ്ധേയമാണ്.