സെങ്കോട്ടയ്യൻ ടിവികെയിലേക്ക്

മുൻമന്ത്രിയും എഐഡിഎംകെ നേതാവുമായിരുന്ന കെ എ സെങ്കോട്ടയ്യൻ എംഎൽഎ സ്ഥാനം രാജിവച്ചു. വിജയ്‌യുടെ തമിഴക വെട്രി കഴകത്തിൽ ചേരുമെന്നാണ് റിപ്പോർട്ട്.
എഐഡിഎംകെയിൽ നിന്നും പുറത്താക്കിയ നേതാക്കളായ ഒ പനീർശെൽവം, ടിടിവി ദിനകരൻ, വി കെ ശശികല എന്നിവരെ തിരിച്ചു കൊണ്ടുവരണമെന്നാവശ്യപ്പെട്ട് എഐഎഡിഎംകെ ജനറൽ സെക്രട്ടറി എടപ്പാടി പളനിസ്വാമിയോട് സെങ്കോട്ടയ്യൻ പരസ്യമായി വാക് തർക്കത്തിലേർപ്പെട്ടിരുന്നു. തുടർന്ന് അച്ചടക്ക നടപടിയുടെ ഭാഗമായി പാർട്ടിയുടെ ചുമതലകളിൽ നിന്നും ഇദ്ദേഹത്തെ നീക്കിയിരുന്നു.
രാജിക്ക് ശേഷം വൈകിട്ട് നടന്‍ വിജയുമായി സെങ്കോട്ടയ്യൻ കൂടിക്കാഴ്ച നടത്തി. ഇതോടെ ടിവികെയില്‍ ചേരുമെന്ന അഭ്യൂഹം ബലപ്പെട്ടു. ഇത് സംബന്ധിച്ച പ്രഖ്യാപനം ഇന്നുണ്ടായേക്കും.