കളമശേരി ബോംബ് സ്ഫോടന കേസിൽ പ്രതി ഡൊമിനിക് മാർട്ടിൻ ഫോണിൽ പകർത്തിയ അപകട ദൃശ്യങ്ങൾ ആർക്കെങ്കിലും കൈമാറിയിട്ടുണ്ടോയെന്ന് അന്വേഷണം ആരംഭിച്ചു. തിരിച്ചറിയൽ പരേഡിന്‌ അന്വേഷണ സംഘം നടപടികള്‍ തുടങ്ങി.
സംഭവ ദിവസം മാർട്ടിനെ കൺവെൻഷൻ വേദിയിൽ കണ്ടവർ അന്വേഷണ സംഘത്തെ അറിയിക്കണമെന്ന് നിർദ്ദേശം നല്‍കി. അന്നേദിവസം ഡൊമിനിക് മാർട്ടിനെ കണ്ടതായി ചിലർ പൊലീസിനോട് പറഞ്ഞു. മാർട്ടിനെ കണ്ടവരുടെ ലിസ്‌റ്റ്‌ തയ്യാറാക്കുകയാണ്‌ പൊലീസ്. കാക്കനാട്ടെ ജില്ലാ ജയിലിൽ തിരിച്ചറിയൽ പരേഡ്‌ നടത്താനാണ്‌ തീരുമാനം. പരേഡിനുള്ള അപേക്ഷ ഉടൻ നൽകും. കൺവൻഷന്‌ എത്തിയവരുടെ പേര്‌, വിലാസം എന്നിവ പൊലീസ് ശേഖരിച്ചിരുന്നു. ഡൊമിനിക് മാർട്ടിന്റെ മൊഴികളും ലഭ്യമായ തെളിവുകളും പൊലീസ് വിശദ പരിശോധന നടത്തി.
English Summary: Kalamasery blast; Proceedings for the recognition parade have begun
You may also like this video
