ഭാര്യയുമായുള്ള വഴക്ക് തീര്‍ക്കാൻ അവധി വേണം: സര്‍ക്കാര്‍ ജീവനക്കാരന്റെ കത്ത് വൈറലാകുന്നു

ലഖ്നൗ: ഭാര്യയുമായുള്ള വഴക്ക് പരിഹരിക്കാൻ അവധി ആവശ്യപ്പെട്ടുള്ള സര്‍ക്കാര്‍ ഉദ്യോഗസ്ഥന്റെ കത്ത് വൈറലാകുന്നു. ഉത്തര്‍പ്രദേശ് കാൺപുര്‍ സ്വദേശിയായ ഷംഷാദ് അഹമ്മദാണ് ഭാര്യയുടെ പിണക്കം മാറ്റാൻ അവധി ചോദിച്ചതോടെ സമൂഹ മാധ്യമങ്ങളില്‍ താരമായി മാറിയത്.

ഭാര്യ പിണങ്ങി മക്കളെയും കൂട്ടി അവരുടെ വീട്ടിലേക്ക് പോയെന്നും, വഴക്ക് തീര്‍ത്ത് അവരെ തിരികെ കൊണ്ടുവരാൻ മൂന്നു ദിവസത്തേക്ക് അവധി നല്‍കണമെന്നാവശ്യപ്പെട്ടുമായിരുന്നു ക്ലര്‍ക്കായ ഷംഷാദ് മേലുദ്യോഗസ്ഥന് കത്തെഴുതിയത്.
ഭാര്യ പോയതിൽ താൻ വളരെ അസ്വസ്ഥനാണെന്നും അവരെ വീട്ടിലേക്ക് തിരികെ കൊണ്ടുവരണമെന്നും അദ്ദേഹം കത്തില്‍ പറയുന്നു. തുടര്‍ന്ന് ഇദ്ദേഹത്തിന് അവധി അനുവദിച്ചു. രസകരമായ ഈ കത്ത് നിരവധിപേരാണ് സമൂഹമാധ്യമങ്ങളിലൂടെ പങ്കുവച്ചിട്ടുള്ളത്.

Eng­lish Sum­ma­ry: kan­pur clerk applies for leave to resolve fight with wife let­ter is viral

You may also like this video