കര്‍ണാടകയില്‍ പാതിവെന്ത നിലയില്‍ യുവതിയുടെ മൃതദേഹം കണ്ടെത്തി. നിധിക്ക് വേണ്ടി യുവതിയെ ബലി നല്‍കിയതാകാം എന്നതാണ് പൊലീസിന്റെ പ്രാഥമിക നിഗമനം. കൊപ്പല്‍ ജില്ലയിലെ ഗബ്ബൂര്‍ ഗ്രാമത്തിലാണ് സംഭവം. 26കാരിയായ നേത്രാവതിയാണ് മരിച്ചത്. വീടിന് സമീപത്ത് നിന്നാണ് മൃതദേഹം കണ്ടെത്തിയത്. ഒന്നര വയസുള്ള കുട്ടിയുടെ അമ്മയാണ് നേത്രാവതി.
ആത്മഹത്യാ സാധ്യത തള്ളിക്കളഞ്ഞ പൊലീസ്, കൊലപാതകമാണ് എന്ന കണക്കുകൂട്ടലിലാണ് അന്വേഷണം ആരംഭിച്ചിരിക്കുന്നത്. കുറ്റകൃത്യം നടന്ന സ്ഥലത്ത് നിന്ന് മന്ത്രവാദത്തിന് ഉപയോഗിച്ച സാധനസാമഗ്രികള്‍ കണ്ടെത്തിയിട്ടുണ്ട്. പൗര്‍ണമി നാളില്‍ അക്രമികള്‍ യുവതിയെ ബലി നല്‍കിയതാകാമെന്നാണ് പൊലീസിന്റെ പ്രാഥമിക വിലയിരുത്തല്‍. അന്വേഷണം ആരംഭിച്ച കൊപ്പല്‍ റൂറല്‍ പൊലീസ് യുവതിയുടെ ബന്ധുക്കളുടെയും നാട്ടുകാരുടെയും മൊഴിയെടുത്തു.
English Summary : Karnataka Cops Recover Half-Burnt Body Of Woman, Human Sacrifice Suspected
You may also like this video
