തെറ്റുകള്‍ തിരുത്തി ഹിന്ദുക്കളുടെ ഭൂമി തിരികെ നല്‍കാൻ അവസരമുണ്ടെന്നും മുസ്ലിം പള്ളികള്‍ പണിത സ്ഥലം ഹിന്ദുക്കളുടേതെന്നും കര്‍ണസേന നേതാവ്. മുസ്ലിം പള്ളികള്‍ ക്ഷേത്രഭൂമികളിലാണ് നിര്‍മ്മിച്ചിട്ടുള്ളതെന്നും, ഇതെല്ലാെം വിട്ടുനല്‍കണമെന്നും കർണി സേനയുടെ ദേശീയ പ്രസിഡന്റ് സൂരജ് പാൽ അമു പറയുന്നു. ഓൾ ഇന്ത്യ മജ്‌ലിസ്-ഇ-ഇത്തേഹാദുൽ മുസ്ലിമീൻ (എഐഎംഐഎം) നേതാവ് അസദുദ്ദീൻ ഒവൈസിയോടും രാജ്യത്തെ മറ്റു മുസ്ലിം സംഘടനകളോടുമായിരുന്നു നേതാവിന്റെ ആഹ്വാനം. ഔറംഗസേബിനെപ്പോലുള്ള മുഗൾ ചക്രവർത്തിമാർ ഉള്‍പ്പെടെയുള്ളവര്‍ ക്ഷേത്രസ്ഥലങ്ങൾ കയ്യടക്കുകയും മലിനമാക്കുകയും ചെയ്തു. ഈ ഭൂമി ഹിന്ദുക്കളുടേതാണ്. ഇവിടം കയ്യേറിയാണ് മുസ്‌ലിങ്ങള്‍ പള്ളികള്‍ പണിതതെന്നും സൂരജ് പാൽ അമു ആവര്‍ത്തിച്ചു.
ഹിന്ദുക്കളുടെ സ്ഥലം വിട്ടു നല്‍കാത്ത പക്ഷം രാജ്യവ്യാപകമായി പ്രതിഷേധ സമരങ്ങള്‍ സംഘടിപ്പിക്കുമെന്നും കര്‍ണി സേന അറിയിച്ചു.
English Summary: Karnisena demanded that the land on which the mosques were built belonged to Hindus
You may like this video also
