കരുവന്നൂർ കള്ളപ്പണ ഇടപാട് കേസിൽ സിപിഐ എം തൃശ്ശൂർ ജില്ലാ സെക്രട്ടറി എം എം വർഗീസ് കൊച്ചി എൻഫോഴ്സ്മെന്റ് ഡയറക്ട്രേറ്റ് ഓഫീസിൽ ഹാജരായി. രാവിലെ 10. 30 നാണ് എം എം വർഗീസ് ഇ ഡി ഓഫീസിലെത്തിയത്. ഇത് മൂന്നാം തവണ ആണ് എം എം വർഗീസിനെ ഇ ഡി ചോദ്യം ചെയ്യുന്നത്.
കരുവന്നൂർ തട്ടിപ്പിൽ പാർട്ടി ചുമതലപ്പെടുത്തിയ അന്വേഷണ കമ്മീഷൻ, ബാങ്കിലെ സിപിഐഎമ്മിന്റെ രണ്ട് അക്കൗണ്ടുകൾ സംബന്ധിച്ച വിവരങ്ങളാണ് വർഗീസിൽ നിന്നും നിലവിൽ ഇ ഡി ചോദിച്ചറിയുന്നത്. എം എം വർഗീസിനെ കൂടാതെ തൃശ്ശൂർ ഇരിങ്ങാലക്കുട ഏരിയ കമ്മിറ്റി അംഗം എം ബി രാജുവും ഇ ഡി ഓഫീസിൽ ഹാജരായി. ചോദ്യം ചെയ്യലുകളോട് സഹകരിച്ചില്ലെന്ന ഇ ഡി ആരോപണം എം എം വർഗീസ് തള്ളി. ഇ ഡി വാദം തെറ്റാണെന്നുംകൃത്യമായി ഇഡിയുമായി സഹകരിക്കുന്നുണ്ടെന്നും എം എം വർഗീസ് പറഞ്ഞു.
English Summary: Karuvannur case; MM Varghese appeared before ED
You may also like this video
