കാസര്കോട് പത്താം ക്ലാസ് വിദ്യാര്ത്ഥിനി ട്രെയിന് തട്ടി മരിച്ചു. കാഞ്ഞങ്ങാട് ദുര്ഗ ഹയര് സെക്കണ്ടറി സ്കൂളിലെ വിദ്യാര്ത്ഥിനി കൊവ്വൽ കടിക്കാലില് വാടക ക്വാട്ടേഴ്സില് താമസിക്കുന്ന പവിത്ര(15) ആണ് മരിച്ചത്. സ്ക്കൂൾവിട്ട് വീട്ടിലേക്കു പോകും വഴിയാണ് അപകടമുണ്ടായത്. കാഞ്ഞങ്ങാട് റെയിൽവേ സ്റ്റേഷനിൽ നിർത്തിയിട്ട ഗുഡ് ട്രെയിനിനടിയിൽ കൂടി പാളം മുറിച്ചു കടക്കവെയാണ് കണ്ണൂർ ഭാഗത്തു നിന്നു മംഗലാപുരം ഭാഗത്തേക്കു പോവുകയായിരുന്ന മറ്റൊരു ട്രെയിൻ ഇടിച്ചത്.
പരേതയായ കാർത്തിക,മുരുകൻ ദമ്പതികളുടെ മകളാണ്. മാതൃ പിതാവ് രാമപ്പയുടെ സംരക്ഷണയിലാണ് കുട്ടി കഴിഞ്ഞിരുന്നത്.കാഞ്ഞങ്ങാട് റെയിൽവേ സ്റ്റേഷനിൽ പടിഞ്ഞാറുഭാഗത്ത് വാടക ക്വാട്ടേഴ്സിലാണ് കുടുംബം താമസിച്ചുവരുന്നത്. കുമളി കമ്പം സ്വദേശികളാണ് ഇവർ 35 വർഷമായി കാഞ്ഞങ്ങാട്ടുകാരാണ്.
English Summary;Kasaragod Class 10 student dies after being hit by a train