അയോധ്യയിലെ രാമക്ഷേത്ര പ്രതിഷ്‌ഠയോടനുബന്ധിച്ച് പൊതുവിദ്യാഭ്യാസ വകുപ്പിന്റെ അനുമതിയില്ലാതെ കാസർകോട് സ്കൂളിന് അവധി കൊടുത്ത സംഭവം വളരെ ഗൗരവമുള്ളതാണെന്നും വിശദ റിപ്പോർട്ട് ലഭിച്ചശേഷം സ്കൂൾ അധികൃതർക്കെതിരെ കർശന നടപടിയെടുക്കുമെന്നും മന്ത്രി വി ശിവൻകുട്ടി.
സര്‍ക്കാരുമായി ആലോചിച്ചശേഷം അവധി നൽകാൻ ജില്ലാ കളക്‌ടർക്ക് മാത്രമേ അധികാരമുള്ളൂ. സ്കൂളിന് അവധി നൽകാൻ പ്രഥമാദ്ധ്യാപകൻ അപേക്ഷ നൽകിയിരുന്നെങ്കിലും ഡിഇഒ അനുമതി നൽകിയില്ല. വിദ്യാഭ്യാസ ഡയറക്‌ടറോട് വിശദ റിപ്പോർട്ട് തേടിയിട്ടുണ്ട്. ബിജെപി ഭരിക്കുന്ന പഞ്ചായത്തിന്റെ സമ്മർദ്ദത്തിലാണല്ലോ അവധി നൽകിയെന്ന ചോദ്യത്തിന് ബിജെപി ഓഫിസല്ല, സർക്കാരാണ് ഹെഡ്‌മാസ്റ്റര്‍ക്ക് ശമ്പളം കൊടുക്കുന്നതെന്നായിരുന്നു മന്ത്രിയുടെ മറുപടി.
English SUmmary: Kasaragod school holiday for ayodhya ramtemple inauguration: Minister says action will be taken
You may also like this video
