സ്‌കൂള്‍ ബസും ബൈക്കും കൂട്ടിയിടിച്ച് രണ്ടു കോളജ് വിദ്യാര്‍ഥികള്‍ മരിച്ചു. മീഞ്ച ദര്‍ബയിലെ ഹരീഷ് ഷെട്ടിയുടെ മകന്‍ പ്രിജേഷ് ഷെട്ടി (20), ബജങ്കളയിലെ സുരേഷിന്റെ മകന്‍ അഭിജിത്ത് (20) എന്നിവരാണ് മരിച്ചത്. ബൈക്കിലുണ്ടായിരുന്ന നമിത് കുമാര്‍ കുളൂര്‍ (20)എന്ന മറ്റൊരു വിദ്യാര്‍ത്ഥിക്ക് ഗുരുതരമായി പരിക്കേറ്റു.
പ്രിജേഷും അഭിജിത്തും സംഭവസ്ഥലത്തുവെച്ചുതന്നെ മരണപ്പെട്ടു. നമിത്തിനെ മംഗളുരുവിലെ ആശുപത്രിയില്‍ പ്രവേശിപ്പിച്ചു. മംഗളുരുവിലെ ശ്രീദേവി കോളജ്, പ്രേരണ കോളജ് എന്നിവിടങ്ങളിലെ വിദ്യാര്‍ഥികളാണ് ഇവര്‍. ഇന്നു രാവിലെ എട്ടിന് മിയാപദവിലാണ് അപകടമുണ്ടായത്. ഉപ്പള എജെ സ്‌കൂളിലെ ബസുമായാണ് കൂട്ടിയിടിച്ചത്. ഹൊസങ്കടി വരെ ബൈക്കിന് പോകുന്ന വിദ്യാര്‍ഥികള്‍ അവിടെ നിന്നും ബസിലോ ട്രെയിനിലോ കയറി കോളജിലേക്ക് പോവുകയാണ് പതിവെന്ന് മീഞ്ച പഞ്ചായത്ത് പ്രസിഡന്റ് സുന്ദരി പറഞ്ഞു.
English Summary:Kasargod school bus hit by bike; Two college students died
You may also like this video
