കെനിയയിൽ മൂന്ന് വൈദ്യുതി ലൈനുകൾ സ്ഥാപിക്കുന്നതിന് അഡാനി ഗ്രൂപ്പുമായി ഉണ്ടായിരുന്ന കരാര്‍ റദ്ദാക്കി കെനിയന്‍ ഹൈക്കോടതിയുടെ ഉത്തരവ്. കെനിയന്‍ സര്‍ക്കാരിന്റെ ഉടമസ്ഥതയിലുള്ള കെനിയന്‍ ഇലക്ട്രിക്കല്‍ ട്രാന്‍സ്മിഷന്‍ ലിമിറ്റഡും അഡാനി എനര്‍ജി സൊലുഷന്‍സുമായുള്ള 30 വര്‍ഷത്തെ കരാറാണ് ഹൈക്കോടതി റദ്ദാക്കിയത്. കരാറിനെ ചോദ്യംചെയ്ത് കെനിയന്‍ ലോ സൊസൈറ്റിയാണ് കോടതിയെ സമീപിച്ചത്.
നേരത്തേ കെനിയൻ തലസ്ഥാനമായ നെയ്റോബിയിലെ ജോമോ കെനിയാത്ത രാജ്യാന്തര വിമാനത്താവളത്തിന്റെ പുതിയ ടെർമിനലിന്റെ നിർമ്മാണവും 30 വർഷത്തേക്ക് നിയന്ത്രണവും അഡാനി ഗ്രൂപ്പിന് നൽകാനുള്ള കെനിയൻ സർക്കാരിന്റെ നീക്കം വൻ പ്രതിഷേധങ്ങൾക്ക് വഴിവച്ചിരുന്നു. ഇതും ഹൈക്കോടതി തടയുകയായിരുന്നു.