കേരള നിയമസഭാ ലൈബ്രറിയുടെ ശതാബ്ദി ആഘോഷങ്ങളുടെ ഭാഗമായി സംഘടിപ്പിക്കുന്ന അന്താരാഷ്ട്ര പുസ്തകോത്സവത്തിന്റെ പ്രചരണാര്‍ത്ഥം വിളംബര റാലി സംഘടിപ്പിച്ചു. നിയമസഭാ അങ്കണത്തില്‍ കായികമന്ത്രി വി അബ്ദുറഹ്‌മാന്‍ വിളംബര റാലി ഫ്ലാഗ് ഓഫ് ചെയ്തു. കടകംപള്ളി സുരേന്ദ്രന്‍ എംഎല്‍എ, നിയമസഭ സെക്രട്ടറി എ എം ബഷീർ എന്നിവർ സന്നിഹിതരായിരുന്നു. സൈക്ലിങ് താരങ്ങള്‍, റോളര്‍ സ്‌കേറ്റിങ് താരങ്ങള്‍, കരാട്ടെ താരങ്ങള്‍, ഹാന്‍ഡ് ബോള്‍ താരങ്ങള്‍ എന്നിവര്‍ക്ക് പുറമെ ഇരുചക്ര വാഹനങ്ങളില്‍ നിയമസഭാ സെക്രട്ടേറിയറ്റിലെ ജീവനക്കാരും വിളംബര റാലിയുടെ ഭാഗമായി.
നിയമസഭാ പ്രധാന കവാടത്തില്‍ നിന്നാരംഭിച്ച റാലി മ്യൂസിയം, കവടിയാര്‍, വെള്ളയമ്പലം, വിമന്‍സ് കോളജ്, ബേക്കറി ജങ്ഷന്‍, സെക്രട്ടേറിയറ്റ് അനക്‌സ്, പ്രസ്‌ക്ലബ്ബ്, സ്റ്റാച്യു, യൂണിവേഴ്‌സിറ്റി കോളജ്, ചന്ദ്രശേഖരന്‍ നായര്‍ സ്റ്റേഡിയം വഴി നിയമസഭയില്‍ തിരിച്ചെത്തി.
English Summary;Kerala Legislature International Book Festival; rally was organized
You may also like this video
