കേരള പ്രവാസി ക്ഷേമനിധിയിൽ തുടർച്ചയായി ഒരു വർഷത്തിൽ അധികം അംശദായം അടയ്ക്കാത്തതു മൂലം അംഗത്വം സ്വമേധയാ നഷ്ടമായവർക്ക് അംഗത്വം പുനഃസ്ഥാപിക്കുന്നതിന് ഇളവുകൾ അനുവദിക്കാൻ കേരള പ്രവാസി കേരളീയ ക്ഷേമ ബോർഡിന്റെ 48ാം ഡയറക്ടർ ബോർഡ് യോഗം തീരുമാനിച്ചു.
2009 മുതൽ ഇതുവരെ ക്ഷേമനിധിയിൽ അംഗത്വം എടുത്തവരും പെൻഷൻപ്രായം പൂർത്തീകരിക്കാത്തവരുമായ അംഗങ്ങള്‍ക്ക് ഇതിന്റെ ആനുകൂല്യം ലഭിക്കുമെന്ന് ചീഫ് എക്സിക്യുട്ടീവ് ഓഫിസർ എം ബി ഗീതാലക്ഷ്മി അറിയിച്ചു. കുടിശിക തുക പൂർണമായും, ആകെ കുടിശിക തുകയുടെ 15 ശതമാനം മാത്രം പിഴയായും ഒടുക്കി അംഗത്വം പുനഃസ്ഥാപിക്കാം. ഇതുസംബന്ധിച്ച ഉത്തരവ് ഉടൻ പുറത്തിറക്കും.