കേരളത്തെ ഐടി ഹബ്ബാക്കുക എന്നതാണ് സംസ്ഥാന സർക്കാരിന്റെ ലക്ഷ്യമെന്ന് ഫിഷറീസ്, സാംസ്ക്കാരിക വകുപ്പ് മന്ത്രി സജി ചെറിയാൻ പറഞ്ഞു. ദേവികുളങ്ങര ഗ്രാമപഞ്ചായത്തിൽ കൺസ്യൂമർ ഫെഡിന്റെ നേതൃത്വത്തിൽ പറയണത്ത് ജംഗ്ഷനിൽ ആരംഭിച്ച ത്രിവേണി സൂപ്പർമാർക്കറ്റിന്റെ ഉദ്ഘാടനം നിർവ്വഹിച്ച് സംസാരിക്കുകയായിരുന്നു മന്ത്രി.
വികസനങ്ങളുടെ അത്ഭുതകരമായ പ്രതിഭാസമാണ് എല്‍ഡിഎഫ് സർക്കാര്‍ നടപ്പാക്കുന്നതെന്നും അദ്ദേഹം പറഞ്ഞു. യു പ്രതിഭ എംഎൽഎ അദ്ധ്യക്ഷത വഹിച്ചു. കൺസ്യൂമർ ഫെഡ് ഡയറക്ടർ കെ മധുസൂദനൻ സ്വാഗതം പറഞ്ഞു. മുതുകുളം ബ്ലോക്ക് പഞ്ചായത്ത് പ്രസിഡന്റ് ഡി അംബുജാക്ഷി ആദ്യവിൽപ്പന നടത്തി. ഗ്രാമപഞ്ചായത്ത് പ്രസിഡന്റ് എസ് പവനനാഥൻ ത്രിവേണി സമ്മാനമഴ ഉദ്ഘാടനം ചെയ്തു. ബ്ലോക്ക് പഞ്ചായത്ത് അംഗം വയലിൽ നൗഷാദ്, ജി ബാബുരാജ്, എസ് രേഖ, എന്നിവർ സംസാരിച്ചു. കൺസ്യൂമർ ഫെഡ് റീജിയണൽ മാനേജർ പി സുനിൽ നന്ദി പറഞ്ഞു.
English Summary: Kerala’s IT Hubback: Minister Saji Cherian