സംസ്ഥാനത്ത് ഇന്ന് മണ്ണെണ്ണക്കും വില കൂട്ടി. എട്ടുരൂപയാണ് ലിറ്റര്‍ മണ്ണെണ്ണക്കിന്ന് ഒറ്റയടിക്ക് വര്‍ധിപ്പിച്ചത്. ഇതോടെ 47 രൂപയായിരുന്ന ഒരു ലിറ്റര്‍ മണ്ണെണ്ണക്ക് 55 രൂപയായി ഉയര്‍ന്നു. മൊത്ത വ്യാപാര വില ലിറ്ററിന് 6.70 രൂപയും കൂട്ടി. മണ്ണെണ്ണയുടെ ചരിത്രത്തിലെ ഏറ്റവും ഉയര്‍ന്ന വിലവര്‍ധനവാണിത്.
മുന്‍ഗണനാ, മുന്‍ഗണനേതര എന്നീ കണക്കില്ലാതെ എല്ലാവരും ഇനി 55 രൂപ കൊടുത്ത് മണ്ണെണ്ണ വാങ്ങേണ്ടി വരും. നവംബര്‍ മുതലാണ് പുതിയ കണക്ക്.
പെട്രോളിന് ഇന്ന് 48 പൈസയാണ് കൂട്ടിയത്. അതേസമയം ഇന്ന് ഡീസല്‍ വിലയില്‍ മാറ്റമില്ല.
അതിനിടെ സ്വര്‍ണ വിലയും ഇന്ന് കൂടി. ഗ്രാമിന് 10 രൂപയും പവന് 80 രൂപയുമാണ് കൂടിയത്. ഇതോടെ പവന് ഇന്ന് 35,840 രൂപയാണ് വില. ഗ്രാമിന് 4,480 രൂപയും.
English Summary: Kerosene prices rise; Rise in gold and petrol prices
You may like this video also
