കൊട്ടാരക്കര താലൂക്ക് ആശുപത്രിയിൽ ഡോ. വന്ദന ദാസ് ദാരുണമായി കൊല ചെയ്യപ്പെട്ടതിൽ പ്രതിഷേധിച്ച് ഡോക്ടര്‍മാര്‍ നടത്തിവന്നിരുന്ന 48 മണിക്കൂർ പ്രതിഷേധ സമരം പിന്‍വലിച്ചതായി കെജിഎംഒഎ അറിയിച്ചു. ഇന്നലെ നടന്ന ഉന്നതതല യോഗത്തിൽ സംഘടന മുന്നോട്ടുവച്ച ആവശ്യങ്ങൾ സംബന്ധിച്ച് തീരുമാനങ്ങള്‍ ഉണ്ടായ പശ്ചാത്തലത്തിൽ സമരം തുടരേണ്ടതില്ലെന്ന് തീരുമാനിക്കുകയായിരുന്നു. എന്നാൽ തൊഴിലിടങ്ങളിലെ സുരക്ഷ പൂർണമായും ഉറപ്പാക്കുന്നതു വരെ വിഐപികളുടെ സുരക്ഷയുമായി ബന്ധപ്പെട്ട അകമ്പടി ഡ്യൂട്ടിയിൽ നിന്നും ഡോക്ടര്‍മാര്‍ വിട്ടു നിൽക്കും.
ആശുപത്രി സംരക്ഷണനിയമം പരിഷ്കരിച്ചു കൊണ്ടുള്ള ഓർഡിനൻസ് പുറപ്പെടുവിക്കുന്നതും പൊലീസ് എയ്ഡ് പോസ്റ്റ് സ്ഥാപിക്കുന്നതും ഉൾപ്പെടെയുള്ള സർക്കാർ തീരുമാനങ്ങളിൽ സമയബന്ധിതമായ നടപടികൾ ഉണ്ടാകാത്ത പക്ഷം തുടർ പ്രതിഷേധ പരിപാടികളുമായി സംഘടന മുന്നോട്ട് പോകുമെന്നും കെജിഎംഒഎ അറിയിച്ചു.
english summary; kgmoa-calls-off-doctors-strike-the-vip-boycott-will-continue
you may also like this video;
