സിപിഐ ദേശീയ എക്സി അംഗം ആനി രാജയ്ക്കെതിരെ അന്യായമായി കേസെടുത്തതില്‍ പ്രതിഷേധിച്ചും ആനി രാജയ്ക്ക് ഐക്യദാർഢ്യം പ്രകടിപ്പിച്ചും കേരള ഗസറ്റഡ് ഓഫീസേഴ്സ് ഫെഡറേഷൻ വനിതാ കമ്മിറ്റിയുടെ നേതൃത്വത്തിൽ ഹെഡ് പോസ്റ്റോഫീസിന് മുന്നിൽ യോഗം ചേര്‍ന്നു. ആനി രാജയേയും കമ്മ്യൂണിസ്റ്റ് പാര്‍ട്ടിയേയും നിശബ്ദരാക്കാനുള്ള കേന്ദ്രസര്‍ക്കാര്‍ നീക്കത്തില്‍ നൂറോളം കെജിഒഎഫ് പ്രവര്‍ത്തകര്‍ അണിചേര്‍ന്നു. തുടര്‍ന്നു നടന്ന വിശദീകരണയോഗം കെജിഒഎഫ് സംസ്ഥാന സെക്രട്ടറി പി വിജയകുമാർ ഉദ്ഘാടനം ചെയ്തു. ഡോ. വി എം പ്രദീപ്‌, ദിലീപ് ഫാൾഗുണൻ, സി മുകുന്ദകുമാർ എന്നിവർ സംസാരിച്ചു.
കെജിഒഎഫ് വനിതാ കമ്മിറ്റിയുടെ നേതാക്കളായ ഡോ. പ്രിയ, രശ്മി കൃഷ്ണൻ, റീജ എംഎസ്, ജെ ബിന്ദു, ശാന്താമണി ഇ എസ്, ഡോ. മേരി ജൂലിയേറ്റ്, നിഷ നടരാജൻ, ഡോ. സോമ, അർച്ചന പൊറ്റശ്ശേരി, ബീന മജീദ്, ഗ്രേയ്സിമോള്‍ എന്നിവർ നേതൃത്വം നൽകി.
english summary; KGOF Palakkad Women’s Committee along with Annie Raja
you may also like this video;
