കൊടുവള്ളിയിൽ യുവാവിനെ തട്ടിക്കൊണ്ട് പോയ കേസിൽ മൂന്ന് പേർ കൂടി അറസ്റ്റിൽ. തട്ടിക്കൊണ്ടുപോയ സംഘത്തിന് കാർ നൽകിയ കീഴശ്ശേരി സ്വദേശി മുഹമ്മദ് ഷെരീഫ്, വാഹനത്തിൻ്റെ ഉടമകളായ മൊറയൂർ സ്വദേശികളായ അബ്ദുൾ ഹക്കീം, മുനീർ എന്നിവരാണ് പുതുതായി അറസ്റ്റിലായത്. അന്നൂസ് റോഷൻ എന്ന യുവാവിനെയാണ് കൊടുവള്ളിയിൽനിന്ന് സംഘം തട്ടിക്കൊണ്ടുപോയത്. താമരശ്ശേരി ഡിവൈഎസ്പിയുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. അതേസമയം, കേസുമായി ബന്ധപ്പെട്ട് ഒളിവിൽ കഴിയുന്ന മറ്റ് ആറുപേർക്കായുള്ള അന്വേഷണം തുടരുകയാണെന്ന് പൊലീസ് അറിയിച്ചു.
കൊടുവള്ളിയിൽ യുവാവിനെ തട്ടിക്കൊണ്ടുപോയ കേസ്; മൂന്ന് പേർ കൂടി അറസ്റ്റിൽ
