കിഫ്ബി മസാല ബോണ്ടിന് അനുമതി നല്കിയിരുന്നതായി ഹൈക്കോടതിയില് സത്യവാങ്മൂലം നല്കി റിസര്വ് ബാങ്ക്. കിഫ്ബി മസാലബോണ്ടില് നടപടിക്രമം പാലിച്ചില്ലെന്ന ഇഡിയുടെ വാദത്തെ ഖണ്ഡിക്കുന്നതാണ് ആര്ബിഐ സത്യവാങ്മൂലത്തില് നല്കിയിരിക്കുന്ന വിവരങ്ങള്. കിഫ്ബി കണക്കുകള് കൃത്യമായി സമര്പ്പിച്ചെന്നും സമാഹരിച്ച തുകയുടെ വിശദാംശങ്ങള് ഓരോ മാസവും നല്കിയിട്ടുണ്ടെന്നും ആര്ബിഐ വ്യക്തമാക്കുന്നു.
വിദേശനാണ്യ വിനിമയ ലംഘനമുണ്ടെങ്കില് ഇഡിക്ക് അന്വേഷിക്കാമെന്നും ആർബിഐ പറയുന്നു. ഇഡി സമൻസ് അയച്ച നടപടി ചോദ്യം ചെയ്ത് മുൻ ധന മന്ത്രി തോമസ് ഐസക്കും കിഫ്ബിയും നൽകിയ ഹര്ജികളിലാണ് റിസർവ് ബാങ്കിന്റെ വിശദീകരണം. ജസ്റ്റിസ് പി ഗോപിനാഥാണ് ഹര്ജി പരിഗണിക്കുന്നത്. മാർച്ച് 16ന് ഹര്ജി വീണ്ടും പരിഗണിക്കും.