ഇഡിക്ക് ഹൈക്കോടതിയിൽ നിന്നും വീണ്ടും തിരിച്ചടി. കിഫ്ബിക്ക് വീണ്ടും സമൻസയച്ചതിൽ ഇഡിയോട് ഹൈക്കോടതി വിശദീകരണം തേടി. ബുധനാഴ്ചയ്ക്കകം ഇഡി മറുപടി നൽകണമെന്ന് സിംഗിൾ ബെഞ്ച് നിർദേശം നൽകി. സമൻസിൽ പഴയ കാര്യങ്ങൾ ആവർത്തിച്ച് ചോദിക്കുന്നുവെന്നും ആവശ്യപ്പെട്ട രേഖകളെല്ലാം നേരത്തെ തന്നെ നൽകിയതാണെന്നും കിഫ്ബി ഹർജിയിൽ ചൂണ്ടിക്കാട്ടിയിരുന്നു.
ഇഡി സമൻസിലെ തുടർനടപടികളെല്ലാം തടഞ്ഞ ഹൈക്കോടതി ഉത്തരവ് നിലനിൽക്കെയായിരുന്നു കിഫ്ബിക്കും ഡോ. തോമസ് ഐസക്കിനും ഇഡി വീണ്ടും നോട്ടീസ് നൽകിയത്. ഇത് ചോദ്യം ചെയ്ത് കിഫ്ബി സമർപ്പിച്ച ഹർജിയിലാണ് ഇഡിക്ക് ഹൈക്കോടതിയിൽ നിന്നും തിരിച്ചടി നേരിട്ടത്. ജസ്റ്റിസ് ദേവൻ രാമചന്ദ്രൻ അധ്യക്ഷനായ സിംഗിൾ ബെഞ്ചാണ് എൻഫോഴ്സ്മെന്റ് ഡയറക്ടറേറ്റിനോട് വിശദീകരണം തേടിയത്. ഹർജി അടുത്ത ബുധനാഴ്ച വീണ്ടും പരിഗണിക്കും.
English Summary; kiifb summoned again: High Court seeks explanation
You may also like this video
