കിഴക്കമ്പലത്ത് ഇതര സംസ്ഥാന തൊഴിലാളികൾ പൊലീസിനും നാട്ടുകാർക്കും നേരെ ആക്രമണം അഴിച്ചുവിട്ട സംഭവത്തിന്റെ വീഡിയോ, സിസിടിവി ദൃശ്യങ്ങളുടെ ആദ്യ ഘട്ട പരിശോധന പൂർത്തിയായി.
സംഭവസ്ഥലത്തെ സിസിടിവിയും, വീഡിയോ — മൊബൈൽ ദൃശ്യങ്ങളുമാണ് ഇന്നലെ പരിശോധിച്ചത്. ഇതിൽ അതിഥി തൊഴിലാളികൾ പൊലീസിനെയും നാട്ടുുകാരെയും ആക്രമിക്കുന്നതും പൊലീസിന്റെ ജീപ്പിന് തീവയ്ക്കുന്നതും ജീപ്പുകൾ അടിച്ചു തകർക്കുന്നതും വ്യക്തമായിട്ടുണ്ട്.
ദൃശ്യങ്ങളിൽ നിന്നും കൂടുതൽ പേർ പ്രതികളാകാനുള്ള സാധ്യതയുള്ളതായും അന്വേഷണ സംഘം അറിയിച്ചു. ക്യാമ്പുകളിലുള്ള 300 ഓളം പേർക്കെതിരെ കേസ് രജിസ്റ്റർ ചെയ്തിട്ടുണ്ട്. ഇതിൽ റിമാൻഡിലായ 164 പേർ വിയ്യൂർ, മൂവാറ്റുപുഴ, കാക്കനാട് ജയിലുകളിലാണ്. വരും ദിവസങ്ങളിൽ കൂടുതൽ അറസ്റ്റ് ഉണ്ടാകുമെന്ന് പുത്തൻ കുരിശ് ഡിവൈഎസ്‌പി ജി അജയനാഥ് പറഞ്ഞു.
english summary; kizhakambalam Attack: CCTV footage examined’
you may also like this video;
