കോഴിക്കോട് മുതുകാട് ഭൂചലനം; സെക്കൻഡുകൾ മാത്രമാണ് ചലനം അനുഭവപ്പെട്ടതെന്ന് നാട്ടുകാർ

കോഴിക്കോട് ജില്ലയിലെ മുതുകാട് പ്രദേശത്ത് നേരിയ ഭൂചലനം അനുഭവപ്പെട്ടതായി നാട്ടുകാർ റിപ്പോർട്ട് ചെയ്തു. ഇന്ന് വൈകിട്ട് 4.45 ഓടെയാണ് ഭൂമിക്കടിയിൽ നിന്ന് ശബ്ദത്തോടൊപ്പം നേരിയ ചലനവും ഉണ്ടായതെന്നാണ് പ്രദേശവാസികൾ പറയുന്നത്. മുതുകാട് രണ്ടാം ബ്ലോക്ക് മേഖലയിലാണ് പ്രധാനമായും ഭൂചലനം അനുഭവപ്പെട്ടത്. എങ്കിലും, ഈ ചലനം സെക്കൻഡുകൾ മാത്രമാണ് നീണ്ടുനിന്നതെന്നും നാട്ടുകാർ വ്യക്തമാക്കി. സംഭവത്തിൽ ഇതുവരെ മറ്റ് നാശനഷ്ടങ്ങളോ ആളപായമോ റിപ്പോർട്ട് ചെയ്തിട്ടില്ല.