നവദമ്പതികള്‍ ഫറോക്ക് പാലത്തില്‍ നിന്നും ചാലിയാര്‍ പുഴയിലേക്ക് ചാടി. മലപ്പുറം സ്വദേശികളായ ജിതിന്, വര്‍ഷ എന്നിവരാണ് പുഴയില്‍ ചാടിയത്. വര്‍ഷയെ തോണിക്കാര്‍ ചേര്‍ന്ന് രക്ഷപ്പെടുത്തി ചികിത്സയ്ക്കായി കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. മുങ്ങിത്താഴ്ന്ന ജിതിന് വേണ്ടി തിരച്ചില്‍ നടക്കുകയാണ്. അടിയൊഴുക്കുള്ള സ്ഥലത്തായിട്ടാണ് തിരച്ചില്‍ നടക്കുന്നത്.
ഞായാറാഴ്ച രാവിലെ പത്ത് മണിയോടെയാണ് സംഭവം. കോസ്റ്റല്‍ പൊലീസും അഗ്‌നിരക്ഷാ സേനയും മത്സ്യത്തൊഴിലാളികളും ചേര്‍ന്നാണ് തിരച്ചില്‍ നടത്തുന്നത്. ജിതിനും വര്‍ഷയും കുടുംബ പ്രശ്‌നങ്ങളെ തുടര്‍ന്ന് ശനിയാഴ്ച രാത്രിയാണ് വീട്ടില്‍ നിന്നിറിങ്ങിയതെന്ന് ബന്ധുക്കള്‍ പറയുന്നു.ആറുമാസം മുന്‍പാണ് ഇരുവരും രജിസ്റ്റര്‍ വിവാഹം ചെയ്തത്.
English Summary:Kozhikode newlyweds jump from bridge into river; His wife was rescued
You may also like this video
