കോന്നാട് ബീച്ചില്‍ ഓടുന്ന കാറിന് തീപിടിച്ച് ഒരാള്‍ വെന്തുമരിച്ചു. കോഴിക്കോട് കുമാരസാമി സ്വദേശി മോഹന്‍ ദാസ് (65) ആണ് മരിച്ചത്. കോഴിക്കോട് കോര്‍പ്പറേഷനിലെ മുന്‍ ഡ്രൈവര്‍ ആണ്. ഉച്ചയോടെയാണ് സംഭവം. കാറില്‍ തീ ആളിപ്പടരുകയായിരുന്നു. തീ പടരുന്നത് കണ്ട മത്സ്യത്തൊഴിലാളികള്‍ ഓടിയെത്തി രക്ഷിക്കാന്‍ ശ്രമിച്ചു. എന്നാല്‍ സീറ്റ് ബെല്‍റ്റ് കുടങ്ങിപ്പോയതിനാല്‍ ഇയാളെ രക്ഷിക്കാന്‍ സാധിച്ചില്ല.
കാറില്‍ തീ ആളിപ്പടര്‍ന്നതോടെ രക്ഷാശ്രമം ഉപേക്ഷിക്കുകയായിരുന്നു. അഗ്‌നിരക്ഷാ സേന എത്തിയപ്പോഴേക്കും കാര്‍ പൂര്‍ണമായി കത്തിനശിച്ചിരുന്നു. മോഹന്‍ ദാസിന്റെ മൃതദേഹം കോഴിക്കോട് മെഡിക്കല്‍ കോളജ് മോര്‍ച്ചറിയിലേക്ക് മാറ്റി.
KL 54 A – 4218 വാഗണര്‍ കാര്‍ കത്തി നശിച്ചത്. ഷോര്‍ട്ട് സര്‍ക്യൂട്ടാവാം എന്നാണ് സംശയം. മൃതദേഹം കോഴിക്കോട് ഗവ. ബീച്ച് ആശുപത്രിയിലേക്കും പിന്നീട് ഹോസ്റ്റ്‌മോര്‍ട്ടത്തിനായി മെഡി കോളേജ് മോര്‍ച്ചറിയിലേക്കും മാറ്റി.
English Summary:Kozhikode running car caught fire; The burnt man was identified
You may also like this video
