കെ പി ശശിയുടെ ‘മിങ്കി പറയുന്നു’; കാണാൻ പന്ന്യനും

സംവിധായകനും കാർട്ടൂണിസ്റ്റുമായിരുന്ന അന്തരിച്ച കെ പി ശശിയുടെ കാർട്ടൂണുകളുടെ പ്രദർശനം കാണാൻ കേരള സാഹിത്യ അക്കാദമി ഹാളിൽ മുതിർന്ന കമ്മ്യൂണിസ്റ്റ് നേതാവ് പന്ന്യൻ രവീന്ദ്രനെത്തി. ജനയുഗം പത്രത്തിൽ അച്ചടിച്ചു വന്നിരുന്ന ‘മിങ്കി പറയുന്നു’ എന്ന കാർട്ടൂൺ പരമ്പരയിലെ 32 കാർട്ടൂണുകളാണ് പ്രദർശിപ്പിച്ചത്. ഇതു കൂടാതെ ഇംഗ്ലീഷിലുള്ള അമ്പതോളം കാർട്ടൂണുകളും ഉണ്ടായിരുന്നു. ‘റിമമ്പറിങ് കെ പി ശശി ലൈഫ്, ആർട്, ആക്ടിവിസം’ എന്ന പേരിൽ സുഹൃത്തുക്കൾ സംഘടിപ്പിച്ച അനുസ്മരണ പരിപാടിയിലായിരുന്നു പ്രദർശനം.