കുടുംബശ്രീ ആര്യാട് ബ്ലോക്കിലെ യുവജനസംരഭകർ കുടുംബശ്രീ ഫ്രഷ് മിൽക്ക്, കുടുംബശ്രീ നാടൻമുട്ട എന്ന പ്രാദേശിക ബ്രാന്റിൽ വിപണനത്തിന് എത്തിക്കുന്നു. ശുദ്ധമായ പാലും മുട്ടയും ചില്ലുകുപ്പികളിലും ട്രേകളിലുമായിട്ടാണ് വിപണനത്തിന് തയ്യാറാക്കിയിട്ടുള്ളത്. കലവൂർ ഗവണ്‍മെന്റ് ഹയർ സെക്കണ്ടറി സ്കൂളിൽ നടന്ന ചടങ്ങിൽ കാർഷിക പ്രദർശനവും നടന്നു. കുടുംബശ്രീ ജില്ലാമിഷൻ സംഘടിപ്പിച്ച പരിപാടി പി പി ചിത്തരഞ്ജന്‍ എംഎല്‍എ ഉദ്ഘാടനം ചെയ്തു.
മണ്ണഞ്ചേരി പഞ്ചായത്ത് പ്രസിഡന്റ് ടി വി അജിത്ത് കുമാർ അദ്ധ്യക്ഷത വഹിച്ചു. ജില്ലാ മിഷൻ കോ-ഓർഡിനേറ്റർ പ്രശാന്ത് ബാബു സ്വാഗതം പറഞ്ഞു. ബ്ലോക്ക് പഞ്ചായത്ത് പ്രസിഡന്റ് കെ ഡി മഹീന്ദ്രൻ, ജില്ലാ പഞ്ചായത്ത് അംഗം ആർ റിയാസ്, പഞ്ചായത്ത് പ്രസിഡൻറുമാരായ പി പി സംഗീത, ജി ബിജുമോൻ, സ്വപ്ന ബാബു എന്നിവർ സംസാരിച്ചു. പി എ ജുമൈലത്ത്, എം എസ് സന്തോഷ് തുടങ്ങിയവർ പങ്കെടുത്തു.