എറണാകുളം കളമശ്ശേരിയിലെ ഹോട്ടലില്‍ നിന്ന് കുഴിമന്തി കഴിച്ച പത്ത് പേർക്ക് ഭക്ഷ്യവിഷബാധയേറ്റതായി പരാതി. കളമശ്ശേരിയിലെ പാതിരാ കോഴി എന്ന ഹോട്ടലിനെതിരെയാണ് പരാതി. ഇന്നലെ രാത്രി ഹോട്ടലില്‍നിന്ന് ഭക്ഷണം കഴിച്ചവര്‍ക്ക് വയറുവേദനയും ഛര്‍ദിയും ഉള്‍പ്പെടെയുള്ള അസ്വസ്ഥതയുണ്ടായതിനെതുടര്‍ന്ന് ചികിത്സ തേടുകയായിരുന്നു.
ഇവരെ എറണാകുളം ജനറൽ ആശുപത്രിയിൽ പ്രവേശിപ്പിച്ചു. ആരോഗ്യവകുപ്പും പൊലീസും സംഭവത്തില്‍ അന്വേഷണം ആരംഭിച്ചു. ആശുപത്രിയിലുള്ളവരുടെ നില ഗുരുതരമല്ലെങ്കിലും ഛര്‍ദിയും വയറിളക്കവും ഉള്‍പ്പെടെയുള്ള ശാരീരിക അസ്വസ്ഥയുണ്ട്. ആരോഗ്യവകുപ്പ് ഹോട്ടലില്‍ പരിശോധന നടത്തിവരുകയാണ്.
English Summary: kuzhumandi from restaurant 10 people under treatment due to food poisoning
You may also like this video
