അനധികൃതമായി നിലം നികത്തിയെന്ന പരാതിയുടെ അടിസ്ഥാനത്തിൽ മാത്യു കുഴൽനാടൻ എംഎൽഎയുടെ സ്ഥലത്ത് താലൂക്ക് സർവേയർമാർ തെളിവെടുപ്പ് നടത്തി.
കോതമംഗലം താലൂക്കിൽ ഉൾപ്പെടുന്ന കടവൂർ വില്ലേജിൽ പൈങ്ങോട്ടൂരിലുള്ള വീടിനോട് ചേർന്ന സ്ഥലമാണ് സർവേയർമാർ പരിശോധിച്ചത്. വീടിനോട് ചേർന്നുള്ള സ്ഥലത്ത് മണ്ണിട്ട് നികത്തിയത് കഴിഞ്ഞ നവംബറിലായിരുന്നു. മണ്ണിട്ട് നികത്തിയത് സംബന്ധിച്ച് അന്നു തന്നെ പ്രതിഷേധം ഉയർന്നിരുന്നു. നിലമായിട്ടുള്ള 42 സെന്റ് സ്ഥലത്ത് മണ്ണിട്ട് നികത്തി ഒരു ഭാഗത്ത് നിർമ്മാണ പ്രവർത്തനങ്ങൾ നടത്തിയെന്നാണ് പരാതി.
താലൂക്ക് സർവേയർമാരായ സജീഷ്, രതീഷ് പ്രഭു എന്നിവരാണ് സ്ഥലം അളന്നു തിട്ടപ്പെടുത്തുന്നതിന് എത്തിയത്. സർവേയർമാരുടെ റിപ്പോർട്ട് തഹസിൽദാർക്ക് സമർപ്പിക്കും. നിലമായ സ്ഥലത്താണ് മണ്ണിട്ട് നികത്തിയതെന്ന് തെളിഞ്ഞാൽ കുഴൽനാടനെതിരെ നടപടിയുണ്ടാകും. ഉദ്യോഗസ്ഥർ ശേഖരിച്ച ഡാറ്റയുടെ അടിസ്ഥാനത്തിലായിരിക്കും തഹസിൽദാർക്ക് റിപ്പോർട്ട് സമർപ്പിക്കുക.
English summary; Landfilling of Mathew Kuzhalnadan: Surveyors carried out inspection
you may also like this video;
