എരുമേലി തുമരംപാറയിലെ ഉരുൾപൊട്ടലില്‍ വ്യാപക നാശനഷ്ടം. ഒൻപതും പത്തും വാർഡുകളിലെ റോഡുകൾ പൂർണമായും തകർന്നു. ശക്തമായ മഴവെള്ളപാച്ചിലിൽ കൊപ്പം തോട് കര കവിഞ്ഞു. കൊപ്പം തുമരംപാറ റോഡിൽ പലസ്ഥലത്തും റോഡിന്റെയും തോടിന്റെയും സംരക്ഷണ ഭിത്തി തകർന്നു. നിരവധി വീടുകളിലും കിണറുകളിലും വെള്ളം കയറി. കൃഷിയും വ്യാപകമായി നശിച്ചു.
മണിമലയാറ്റിലും, പമ്പ നദിയിലും, അഴുത നദിയിലും ജലനിരപ്പ് ക്രമാതീതമായി ഉയർന്നു. പറപ്പള്ളിൽ ദീപുവിന്റെ ഉടമസ്ഥതയിലുള്ള കോഴിഫാമിൽ വെള്ളം കയറി 1500 കോഴികളും കാലിത്തീറ്റകളും ഒഴുകിപ്പോയി. എരുമേലി മുണ്ടക്കയം സംസ്ഥാനപാത വെള്ളത്തിനടിയിലായി ഗതാഗതം തടസ്സപ്പെട്ടു.
English summary;Landslide on erumeli; Widespread damage
You may also like this video;
