ഇടുക്കി കാഞ്ഞാറില്‍ ഉരുള്‍പൊട്ടി രണ്ട് മരണം. കാഞ്ഞാര്‍ സംഗമം മാളിയേക്കല്‍ കോളനിക്ക് മുകളിലാണ് പുലര്‍ച്ചെ മൂന്നിന് ഉരുള്‍ പൊട്ടിയത്. ഉരുള്‍പൊട്ടി കുടുംബത്തിലെ 5 പേര്‍ ഒലിച്ചുപോകുകയായിരുന്നു. ചിറ്റടിചാലില്‍ സോമന്‍, ഭാര്യ ജയ, മകള്‍ ഷിമ, ഷിമയുടെ മകന്‍ ആദിദേവ(നാല് ), സോമന്റെ അമ്മ തങ്കമ്മ എന്നിവരെയാണ് ഉരുളെടുത്തത്. ഇതില്‍ തങ്കമ്മയുടെയും ആദിദേവിന്റെയും മൃതദേഹം കണ്ടെത്തി.
തിങ്കള്‍ പുലര്‍ച്ചെ നാലോടെയാണ് സംഭവം. 3 പേര്‍ക്കായി ഫയര്‍ഫോഴ്സും നാട്ടുകാരും തിരച്ചില്‍ തുടരുകയാണ്. കനത്ത മഴവെള്ളപാച്ചിലില്‍ സോമന്റെ വീട് പൂര്‍ണമായും തകര്‍ന്നു. രാത്രി പത്തരയോടെയാണ് പ്രദേശത്ത് കനത്തമഴ തുടങ്ങിയത്. രാവിലെ മഴ അല്‍പം ശമിച്ചതിനാല്‍ രക്ഷാപ്രവര്‍ത്തനം ഊര്‍ജിതമായി നടക്കുന്നുണ്ട്.
English summary; Landslides in Kanjar; Two deaths, including a four-year-old
You may also like this video;
