പ്രസിഡന്റായുള്ള അവസാന വിദേശ യാത്രയിൽ അമേരിക്കൻ പ്രസിഡന്റ് ജോ ബൈഡൻ ഫ്രാൻസിസ് മാർപാപ്പയുമായി കൂടിക്കാഴ്ച നടത്തും.
ജനുവരി 9 മുതൽ ജനുവരി 12 വരെയാണ് ബൈഡന്റെ റോം സന്ദർശനമെന്ന് വൈറ്റ് ഹൗസ് വൃത്തങ്ങൾ അറിയിച്ചു. കൂടാതെ ഇറ്റാലിയൻ പ്രധാനമന്ത്രി ജോർജിയ മെലോണിയുമായും കൂടിക്കാഴ്ച നടത്തും.
ലോകമെമ്പാടും സമാധാനം മുന്നോട്ടു കൊണ്ടുപോകുന്നതിനുള്ള ശ്രമങ്ങൾ മാർപാപ്പയുമായി ബൈഡൻ സംസാരിക്കുമെന്നും വൈറ്റ് ഹൗസ് അറിയിച്ചു. ജനുവരി 20നാണ് നിയുക്ത പ്രസിഡന്റ് ഡോണൾഡ് ട്രംപിന്റെ സ്ഥാനാരോഹണം.