കേരളത്തോട് ശത്രുതാപരമായ നിലപാട് സ്വീകരിച്ച് സാമ്പത്തിക ഉപരോധം ശക്തിപ്പെടുത്തിയ കേന്ദ്ര ബജറ്റിലെ സമീപനങ്ങൾക്കെതിരെ തിരുവനന്തപുരത്ത് രാജ്ഭവനിലേക്കും മറ്റു ജില്ലകളിൽ മണ്ഡലം അടിസ്ഥാനത്തിൽ കേന്ദ്രസർക്കാർ ഓഫിസുകളിലേക്കും ഇന്ന് എൽഡിഎഫ് മാർച്ച് നടത്തും. രാവിലെ 10 മണി മുതൽ ഉച്ചവരെയാണ് സമരം. രാജ്ഭവന് മുന്നില്‍ സിപിഐ(എം) പൊളിറ്റ് ബ്യൂറോ അംഗം എം എബേബി ഉദ്ഘാടനംചെയ്യും. സിപിഐ മുന്‍ സംസ്ഥാന സെക്രട്ടറി പന്ന്യന്‍ രവീന്ദ്രന്‍ ഉള്‍പ്പെടെ നേതാക്കള്‍ പ്രസംഗിക്കും.
സന്തുലിത വികസനം എന്ന കാഴ്ചപ്പാട് തന്നെ അട്ടിമറിക്കുകയും കേരളത്തോട് അവഗണനയും ശത്രുതാപരമായ മനോഭാവം പ്രകടമാക്കുകയും ചെയ്യുന്ന കേന്ദ്ര നയങ്ങള്‍ക്കെതിരെയുള്ള ശക്തമായ പ്രതിഷേധമാകും എല്‍ഡിഎഫ് മാര്‍ച്ചും ധര്‍ണയും.