രാഹുല്‍ഗാന്ധിയുടെ ലോകസഭാഗത്വം റദ്ദാക്കിയതിനെ പ്രതിഷേധിച്ചു ഛത്തീസ്ഗ‍ഢില്‍ കോണ്‍ഗ്രസ് നടത്തിയ പരിപാടിയില്‍ നേതാക്കളും,
പ്രവര്‍ത്തകരും തിങ്ങി നിറഞ്ഞ സ്റ്റേജ് തകര്‍ന്നു വീണു.
അപകടത്തില്‍ പാര്‍ട്ടിയുടെ രണ്ട് എംഎല്‍എമാര്‍ ഉള്‍പ്പെടെയുള്ളവര്‍ക്ക് പരിക്കേറ്റു.ടോര്‍ച്ച് റാലി പ്രതിഷേധ പരിപാടിക്കിടെയാണ് സംഭവം. ഛത്തീസ്ഗഢിലെ ബിലാസ്പൂര്‍ ജില്ലയിലായിരുന്നു പരിപാടി. എംഎല്‍എമാരെക്കൂടാതെ മററ് പാര്‍ട്ടി അംഗങ്ങള്‍ക്കും പരിക്കുണ്ട്.
സ്റ്റേജ് തകര്‍ന്ന് വീഴുന്നതിന്‍റെ ദൃശ്യങ്ങള്‍ സാമൂഹ്യമാധ്യമങ്ങളില്‍ പ്രചരിക്കുന്നുണ്ട്. നിരവധി പാര്‍ട്ടി പ്രവര്‍ത്തകര്‍ പങ്കെടുക്കുന്ന പരിപാടിയില്‍ സ്റ്റേജുില്‍ കൂടുതല്‍ ആളുകള്‍ കയറിയിരുന്നു. പ്രതിഷേധ പരിപാടി പുരോഗമിക്കവേ,സ്റ്റേജ് തകര്‍ന്നു വീഴുകയും ആളുകളും അതോടൊപ്പം തന്നെ വീഴുകയും ചെയ്യുന്നതാണ് ദൃശ്യത്തിലുള്ളത്. വേദിക്ക് പിന്നില്‍ കെട്ടിയ ബാനറും, പ്ലാക്കാഡുകളും തകര്‍ന്നു വീണിട്ടുണ്ട്
English Summary:
Leaders pushed on stage during Congress program; The stage collapsed
You may also like this video:
