കോണ്ഗ്രസിനും, പാര്ട്ടിയിലെ ചില നേതാക്കള്ക്കും മുന്നറിയിപ്പുമായി യുഡിഎഫിലെ പ്രമുഖ ഘടകക്ഷിയായ മുസ്ലീംലീഗ് . കോണ്ഗ്രസ് നേതാക്കള് അപക്വമായ പ്രസ്താവനകൾ നടത്തുന്നത് ഒഴിവാക്കണമെന്നും ഇത്തരം പ്രസ്താവനകൾ മുന്നണിയുടെ കെട്ടുറപ്പിനെ ബാധിക്കുമോ എന്ന് ആലോചിക്കണമെന്നും മുസ്ലീം ലീഗ് സംസ്ഥാന ജനറൽ സെക്രട്ടറി പിഎംഎ സലാം ആവശ്യപ്പെട്ടു.
മുന്നണി ബന്ധം ശക്തിപ്പെടുത്തേണ്ട നിർണായക ഘട്ടത്തിൽ കോണ്ഗ്രസ് നിരുത്തരവാദപരമായ തീരുമാനങ്ങള് എടുക്കകുയാണെന്നും ലീഗ് നേതാവ് കുറ്റപ്പെടുത്തി ഇത് തന്റെ വ്യക്തിപരമായ അഭിപ്രായമല്ലെന്നും മുസ്ലീം ലീഗിന്റെ ഔദ്യോഗിക നിലപാടാണ് വ്യക്തമാക്കുന്നതെന്നും പിഎംഎ സലാം അറിയിച്ചു. മുന്നണിയും പാർട്ടിയും ഒറ്റക്കെട്ടായി നിൽക്കേണ്ട സമയമാണിതെന്നും അദ്ദേഹം കൂട്ടിച്ചേർത്തു. തദ്ദേശഭരണ തിരഞ്ഞെടുപ്പിൽ വെൽഫെയർ പാർട്ടിയുടെ വോട്ടുകൾ യുഡിഎഫിന് ലഭിച്ചിട്ടുണ്ടെന്നും അദ്ദേഹം വ്യക്തമാക്കി.