വ്യാജ വാർത്തകൾക്ക് എതിരെ നിയമ നടപടി സ്വീകരിക്കുമെന്ന് ഫേസ്ബുക്ക് കുറിപ്പുമായി മുൻ ജില്ലാ പഞ്ചായത്ത് പ്രസിഡന്റ് പി പി ദിവ്യ. കഴിഞ്ഞ കുറച്ചു ദിവസങ്ങളിലായി എന്നെയും എന്റെ കുടുംബത്തെയും മുഖ്യധാര മാധ്യമങ്ങളിലും, സമൂഹ മാധ്യമങ്ങളിലൂടെയും ‚അപമാനിക്കുന്നതിനായി വസ്തുതാവിരുദ്ധമായ വ്യാജവാർത്തകൾ കെട്ടിച്ചമച്ചമാക്കുകയാണെന്ന് പി പി ദിവ്യ പറഞ്ഞു.
ഇവർക്കെതിരെ നിയമനടപടി സ്വീകരിക്കും. ഇത്തരം വാർത്തകൾ വാട്സ്അപ്, ഫേസ്ബുക്ക്, ഇൻസ്റ്റാഗ്രാം തുടങ്ങിയ സമൂഹ മാധ്യമങ്ങൾ വഴി അത് പ്രചരിപ്പിച്ചവർക്കെതിരെയും നിയമനടപടി സ്വീകരിക്കുമെന്നും ദിവ്യ ഫേസ്ബുക്കിൽ കുറിച്ചു . തന്റെ പ്രതികരണമെന്ന നിലയിൽ മാധ്യമങ്ങളിൽ കഴിഞ്ഞ ദിവസം വന്ന വാർത്തകൾ തന്റെ പ്രതികരണമല്ലെന്ന് ദിവ്യ പറഞ്ഞിരുന്നു. ഉത്തരവാദപ്പെട്ട ഒരു പാർട്ടി അംഗം എന്ന നിലയിൽ തനിക്ക് പറയാനുള്ളത് പാർട്ടി വേദികളിൽ പറയുമെന്നും അവർ പറഞ്ഞിരുന്നു.