കോടതി വളപ്പില്‍ കയറിയ പുലിയുടെ ആക്രമണത്തില്‍ അഭിഭാഷകര്‍ ഉള്‍പ്പെടെ നിരവധി പേര്‍ക്ക് പരിക്കേറ്റു. ഇതില്‍ മൂന്ന് പേരുടെ പരിക്ക് സാരമുള്ളതാണ്. ഉത്തര്‍പ്രദേശിലെ ഗാസിയാബാദിലാണ് സംഭവം. കോടതി സമുച്ചയത്തിന്റെ ആദ്യ നിലയില്‍ എത്തിയ പുലി അക്രമാസക്തനാവുകയും ആളുകളെ ആക്രമിക്കുകയുമായിരുന്നു. പുലിയെ വിരട്ടിയോടിക്കാന്‍ പോയ സംഘത്തിലുള്ള അഭിഭാഷകന്‍, പൊലീസ് ഉദ്യോഗസ്ഥന്‍, ചെരുപ്പ് നന്നാക്കുന്ന ആള്‍ എന്നിവര്‍ക്കാണ് വലിയ പരിക്കുകളുള്ളത്. 14 പേര്‍ക്ക് പരിക്കേറ്റതായാണ് പുറത്തുവരുന്ന റിപ്പോര്‍ട്ട്. ഇതില്‍ അഞ്ച് അഭിഭാഷകരും ഉള്‍പ്പെടുന്നു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു.
കോടതി വളപ്പില്‍ പുലി: നിരവധി പേര്‍ക്ക് പരിക്ക്
