കാസര്‍കോട് കൊളത്തൂരില്‍ വീണ്ടും പുള്ളിപ്പുലി വനം വകുപ്പിന്‍റെ കൂട്ടില്‍ കുടുങ്ങി. കൊളത്തൂര്‍ നിടുവോട്ടെ എ. ജനാര്‍ദനന്‍റെ റബര്‍ തോട്ടത്തില്‍ സ്ഥാപിച്ച കൂട്ടിലാണ് ഏകദേശം അഞ്ച് വയസുള്ള ആണ്‍പുലി കുടുങ്ങിയത്. കൂട്ടിലായ പുലിയെ കുറ്റിക്കോല്‍ പള്ളത്തുംങ്കാലിലെ വനം വകുപ്പ് ഓഫീസിലേക്ക് മാറ്റി. വയനാട്ടില്‍ നിന്നും വെറ്റിനറി സര്‍ജന്‍ എത്തിയ ശേഷം പരിശോധന നടത്തും. ഫെബ്രുവരി 23ന് രാത്രിയും ഇതേസ്ഥലത്ത് ഒരു പെണ്‍പുലി കുടുങ്ങിയിരുന്നു. കൂട് സ്ഥാപിച്ച സ്ഥലത്തെ വലിയ ഗുഹയിൽ രണ്ട് പുലികള്‍ കഴിയുന്നതായി വനം വകുപ്പ് കണ്ടെത്തിയിരുന്നു. ഒരു പുലി ആദ്യം കൂട്ടിലായതോടെ രണ്ടാമത്തെ പുലിയെ പിടിക്കാനുള്ള ശ്രമത്തിലായിരുന്നു അധികൃതർ.
കൊളത്തൂരില്‍ വീണ്ടും പുള്ളിപ്പുലി കൂട്ടില്‍ കുടുങ്ങി
