ഡൽഹി മദ്യനയവുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ ആം ആദ്മി പാർട്ടി നേതാവ് സഞ്ജയ് സിങ്ങിന്റെ വീട്ടിൽ എൻഫോഴ്‌സ്‌മെന്റ് ഡയറക്ടറേറ്റിന്റെ പരിശോധന തുടരുന്നു. പുലര്‍ച്ചെയോടെ രാജ്യസഭാ എംപിയുടെ ഡൽഹിയിലെ വീട്ടിലെത്തിയ ഇഡി ഉദ്യോഗസ്ഥർ പരിശോധന നടത്തുകയാണെന്നാണ് വിവരം.
ഡൽഹിയിലെ എഎപി സർക്കാരിലെ മുൻ ഉപമുഖ്യമന്ത്രി മനീഷ് സിസോദിയയെ ഫെബ്രുവരിയിൽ സിബിഐ അറസ്റ്റ് ചെയ്തിരുന്നു. പിന്നാലെയാണ് മദ്യനയ കേസിൽ കേന്ദ്ര ഏജൻസികള്‍ എഎപി നേതാവ് കൂടിയായ സിങ്ങിനെതിരെയും അന്വേഷണം ആരംഭിച്ചിരിക്കുന്നത്.
2021ലെ ഡൽഹി സർക്കാരിന്റെ മദ്യനയവുമായി ബന്ധപ്പെട്ടാണ് കേസ് ഫയൽ ചെയ്തത്. പിന്നീട് റദ്ദാക്കിയെങ്കിലും ഏപ്രിലിൽ ഇതേ കേസിൽ മുഖ്യമന്ത്രി അരവിന്ദ് കെജ്‌രിവാളിനെയും ഒമ്പത് മണിക്കൂറോളം ചോദ്യം ചെയ്തിരുന്നു.
English Summary: Liquor case: ED takes action against Aam Aadmi MP Sanjay Singh
You may also like this video
