കേരള ലൈവ് സ്റ്റോക്ക് ഇൻസ്പെക്ടേഴ്സ് യൂണിയൻ (കെ എല്‍ ഐ യു) ജില്ലാ സമ്മേളനം സിപിഐ ജില്ലാ സെക്രട്ടറി ടി ജെ ആഞ്ചലോസ് ഉദ്ഘാടനം ചെയ്തു. മുൻ ജില്ലാ പ്രസിഡന്റ് അനീസ്, മുൻ ജില്ലാ സെക്രട്ടറി ഉദയകുമാര്‍ എന്നിവരെ ജോയിന്റ് കൗൺസിൽ സംസ്ഥാന സെക്രട്ടറി പി എസ് സന്തോഷ് കുമാർ ആദരിച്ചു.
രാജി സി നായർ അധ്യക്ഷത വഹിച്ചു. ജില്ലാ സെക്രട്ടറി എം നസറുദ്ദീൻ സ്വാഗതം പറഞ്ഞു. കെ എല്‍ ഐ യു സംസ്ഥാന ജനറൽ സെക്രട്ടറി എ അരവിന്ദൻ പിള്ള സംഘടനാ റിപ്പോർട്ട് അവതരിപ്പിച്ചു. സി ജി മധു, ജെ ഹരിദാസ്, സൂരജ്, അനിൽകുമാർ, റഹിം, ജിജി തോമസ് എന്നിവർ സംസാരിച്ചു.