മലപ്പുറം കൊണ്ടോട്ടിയിൽ സ്കൂൾ ബസിടിച്ച് എൽ കെ ജി വിദ്യാർത്ഥിക്ക് ദാരുണാന്ത്യം. മുസ്ലിയാരങ്ങാടി കുമ്പളപറമ്പ് എ ബി സി മോണ്ടിസോറി സ്കൂളിലെ വിദ്യാർത്ഥിയായ യമിൻ ഇസിൻ ആണ് മരിച്ചത്. സ്കൂൾ വാഹനമിറങ്ങിയ വിദ്യാർത്ഥിയുടെ ദേഹത്തുകൂടി അതേ വാഹനം കയറിയിറങ്ങുകയായിരുന്നു. മുസ്ലിയാരങ്ങാടി കുന്നക്കാട് സ്വദേശിയാണ് യമിൻ ഇസിൻ. കുട്ടിയുടെ മൃതദേഹം നിലവിൽ മഞ്ചേരി മെഡിക്കൽ കോളജ് ആശുപത്രിയിൽ സൂക്ഷിച്ചിരിക്കുകയാണ്. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.
സ്കൂള് ബസിടിച്ച് എല്കെജി വിദ്യാര്ത്ഥി മരിച്ചു
