റോഡരികിൽ മാലിന്യം തള്ളുന്നതിനെതിരെ നാട്ടുകാരുടെ പ്രതിഷേധം ശക്തമാകുന്നു . ഫറോക്ക് — ചെനപ്പറമ്പ് റോഡിൽ റയിൽവേ വാട്ടർ ടാങ്കിനു സമീപമാണ് മാലിന്യങ്ങൾ കുന്നുകൂടുന്നത്. റയിൽവേയുടെ സ്ഥലമാണിത്. പാഴായ വസ്തുക്കൾ, പ്ലാസ്റ്റിക് മാലിന്യങ്ങൾ, ഭക്ഷണാവശിഷ്ടങ്ങൾ തുടങ്ങിയവയാണ് ചാക്കിൽ കെട്ടി റോഡരികിൽ തള്ളുന്നത്.
സമീപ സ്ഥലങ്ങളിൽ നിന്ന് രാത്രിയിൽ ഓട്ടോറിക്ഷയിലും ബൈക്കിലുമാണ് മാലിന്യങ്ങൾ കൊണ്ടുവരുന്നതെന്ന് സമീപവാസികൾ പറയുന്നു .ഇതിനെതിരെ നാട്ടുകാരുടെ പ്രതിഷേധം ശക്തമാകുകയാണ്. രാത്രി കാലത്ത് മദ്യം, മയക്കുമരുന്ന് ഉപയോഗവും ഈ ഭാഗത്ത് നടന്നു വരുന്നതായി പരാതിയുണ്ട്.
മാലിന്യവുമായി വരുന്നവരെ കൈയോടെ പിടികൂടാനുള്ള ഒരുക്കത്തിലാണ് നാട്ടുകാർ.
ENGLISH SUMMARY:Locals protest against dumping of waste on the roadside
You may also like this video
